ef ykkur leiðist

Langaði að benda fólki á snilld vísindavefs Háskóla Íslands. Á þeim vef skemmti ég mér gjarna konunglega og fyrir kemur að ég stappa niður löppunum af hlátri, ýmist af snilld spyrjenda eða fyndnum tilsvörum starfsfólks síðunnar.

Þar má finna svör við hinu ýmsu sem kann að vekja áhuga eins og til dæmis heimspekilegu spurningunni; "Hvenær er orðið svo mikið drasl í herbergi að maður er í rauninni að taka til þegar maður sparkar í hluti?"

Þar er líka skrifað um afkvæmi tófu og katta, stærð steypireyðurs og stærstu risaeðla borin saman og enn fremur er spurningunni um mengun álvers í samanburði við bíla svarað (mjög áhugavert, sjá undir "umhverfismál").

Þar er einnig skrifað um þágufallsýki Íslendinga og spurt hvort yfirvöldum standi virkilega á sama og velt er fyrir sér hornasummu einhyrninga og spáð hvort hægt sé að deyja úr leiðindum, til dæmis í dönskutíma.

Sem sagt, allt mjög fræðandi málefni... aahh.. þið verðið bara að kíkja sjálf!
þetta er slóðin: www.visindavefur.hi.is