Nokkrar myndir fra Portugal
Þremur dögum eftir að hafa komið frá Íslandi fórum við Alex til Portúgal í 10 daga. Einn af bestu vinum mínum í skólanum, Goncalo, er frá Lissabon og við gistum hjá fjölskyldu hans þar (reyndar hjá tengdamömmu hans). Tveir bekkjabræður mínir komu líka með. Við keyrðum suður til lítils sjávarþorps þar sem pabbi Goncalo á sumarhús. Þar eyddum við 5 dögum og prófuðum nýjar strendur daglega. Syntum í sjónum, tíndum kræklinga og þess háttar skelfisk, fórum í gönguferðir, átum, drukkum og skemmtum okkur. Ótrúlega vel heppnuð ferð!
Allur hópurinn saman að skýla sér undan rigningu.
Ég, Catarina, Goncalo og Kianoosh. Í bakgrunni er aðalströndin í þorpinu sem við gistum í.
Veðrið breyttist oft seinnipart dags og þá komu stundum skúrir. Það var samt eitthvað svo magnað að vera á ströndinni í rigningu og roki!
Við átum kræklingana og grilluðum fisk, sumir breyttust í drauga.
Þessi fiskur er með framtennur eins og grasbítur.
Alex og Kianoosh skála í kirsuberjalíkjör í sólsetrinu.
Við með Pabba Catarinu sem fór með okkur í útsýnistúr í fallegt þorp sem við sáum danssýningu hjá systur hennar.
Týpísk túristamynd! Það eru svo brattar brekkur í Lissabon að sums staðar þarf að hafa sporvagna sem ferja liðið upp og niður!
2 Comments:
ó man þetta lítur æðislega út. fyndið ég var í Monreal í Kanada og á nákvæmlega eins mynd af fiski. hver át augað?? þú ert að verða að reglulegri strandgellu...alltaf á baðströndum. eða þannig.
mmm.kósý.... er samt ekki komið að hittingi.. ég þarf að fara drulla mér til lundúna og dansa uppi á borðum með þér og helenu..... krúttukveðjur, halldóran
Skrifa ummæli
<< Home